Cako:
O Ende, o Ende, e...Ende campe koekm-e
Wale:
Dod lawa one tana, candang ami lupi ngampang,
Ende campe koekm-e
Cako:
O Ende, o Ende, e...Ende sembeng koekm-e
Wale:
Ce'e-ce'e mose cences, tamba tambang mose da'at, Ende sembeng koekm-e
Cako:
O Ende, o Ende, e...Ende titong koekm-e
Wale:
Weleng wakar dami anak, cibul nai go ami mendid, Ende titong koekm-e
Dere Serani, Hal. 153, No. 174.
Y. Gawus, Menggol, 1954.
Malekat, campe aku ta
Te pande nggalas nai ge
Te dungkang ata bali da'at
Sembeng koe Lite aku
Campe te oke ngonde taung
Lut kanang mose nggelok
Ai wokokn mose lino ho'o
Toe hemong mata daku
Malekat, campe aku ta
Te pande nggalas nai ge
Te dungkang ata bali da'at
Sembeng koe Lite aku
Du matag sembeng aku ga
Neka koe waheng naig-e
Dadang nggereta Surga ga
Ai nitu nisang nai do
Dere Serani, Hal. 167, No. 197.
Tabe sengaji, yo Ende agu lembak nai
Yo mose dami, cembes agu bengkes kin
Le kepok dami, anak oke d'Ewa
One malok retang ho'o
Yo Maria, ata tongka dami
Lelo ga ami, ali mata mbilar bailm
Toto Yesus, wua berkak tukad agu ami
Du poli asid sangged oke dami
O Ite gawas nai
O Ite Ende di'a bail
O ata Molas, cembes tu'ung
Tabe Maria
Dere Serani, Hal. 163-164, No. 192.
