Campe ata saep, sompo ata poso, pola ata gomal, kapu ata pa'u, ǝmbe ata sǝheng, kekep ata lengge, dadang ata hahal, tatong ata lalo, cimpa ata liba, pukul ata pungkut, kǝntong ata ledong, cimping ata ciling, momang ata roba, eko ata geong.
Cu'ung ata nungku, korong ata toe mopo, iring ata toe ciri, potang ata toe manga oka, titong ata toe riko, dadang ata calang, toing ata losi, lami ata paitn, anggil ata kasiasi, tuluk ata wur, kawe ata mael, kadi ata langki, somba ata botang, ribong ata cipot, nggao ata rabo, la'at ata campang, rema ata kemas, raes ata laler, sungke ata pucu mungke.
Kota yata lowang, celungs yata heur, remas yata leang, gampos yata lalo, ranggis yata lage rahi, mbewes yata ba peheng, cecuta yata toe nggeluk, ri'iks yata ba kinggit, deus yata leut.
Ditulis oleh: Melky Pantur***, 15 September 2015. Diedit lagi pada 20 September 2017.
Tidak ada komentar:
Posting Komentar