Dere Ngkiong.

Ditulis oleh: Melky Pantur***, Senin (27/2/2017).

Ngkiong a…ngkiong ngo…ngkiong….., ngkiong e…ngkiong ngkiong e……

Tana mbate ngkiong e, dise a, dise Ame ta ngkiong e….
Tana ledong ngkiong e, dise a, dise Empo ta ngkiong e..
Ngkiong ngkiong e…ngkiong ngkiong e, neka ya,
Ngkiong ngkiong e…ngkiong ngkiong e, neka ya,
Neka ledong tana dise Empo ta ngkiong ngkiong e…
Neka mamur tana katu Landukn de ta ngkiong ngkiong e…

Ngkiong a…ngkiong ngo…ngkiong….., ngkiong e…ngkiong ngkiong e……

Tacik Sapen ngkiong e, rahit a, rahit salen tana do…
Wae Mokeln ngkiong e, dopon a, dopon awon ngkiong e..
Tacik Floresn ngkiong e, dopon a, dopon len ta ngkiong e..
Tacik Sawun ngkiong e, dopon a, dopon laun ta ngkiong e.
Ngkiong ngkiong e…ngkiong ngkiong e, neka ya,
Ngkiong ngkiong e…ngkiong ngkiong e, neka ya,
Neka oke kuni agu kalor ta ngkiong ngkiong e….

Ngkiong a…ngkiong ngo…ngkiong….., ngkiong e…ngkiong ngkiong e……
Maram rucukn ngkiong e, tamal ya, tana rug ge ta ngkiong e...
Maram dangon ngkiong e, tana ya, tana yanggom ge ta ngkiong e..
Maram ringangn ngkiong e, tana ya, tana riang ge ta ngkiong e
Ngkiong ngkiong e…ngkiong ngkiong e, neka ya,
Ngkiong ngkiong e…ngkiong ngkiong e, neka ya,
Neka oke kuni agu kalor ta ngkiong ngkiong e….

Ngkiong a…ngkiong ngo…ngkiong….., ngkiong e…ngkiong ngkiong e……
Maram ngkeleng ngkiong e, tana ya, nitu dedek ge ta ngkiong e..
Maram longkong ngkiong e, tana ya, sor monggong ge ta ngkiong e…
Maram melakn ngkiong e, tana ya, nggelak natag ge ta ngkiong e…
Ngkiong ngkiong e…ngkiong ngkiong e, neka ya,
Ngkiong ngkiong e…ngkiong ngkiong e, neka ya,
Neka oke kuni agu kalor ta ngkiong ngkiong e….

Ngkiong a…ngkiong ngo…ngkiong….., ngkiong e…ngkiong ngkiong e……
Maram rogan ngkiong e, tana ya, bate loas ge ta ngkiong e…
Maram tonggong ngkiong e, tana ya, nitu wowog ge ta ngkiong
Maram ngampangn ngkiong e, tana ya, nitu warag ge ta ngkiong
Ngkiong ngkiong e…ngkiong ngkiong e, neka ya,
Ngkiong ngkiong e…ngkiong ngkiong e, neka ya,
Neka oke kuni agu kalor ta ngkiong ngkiong e….


Ngkiong a…ngkiong ngo…ngkiong….., ngkiong e…ngkiong ngkiong e……
Maram keben ngkiong e, tana ya, nitu mese ge ta ngkiong e….
Maram peren ngkiong e, tana ya, ka’eng renceng ge ngkiong e..
Maram golon ngkiong e, tana ya, nitu cokog ge ngkiong e..
Ngkiong ngkiong e…ngkiong ngkiong e, neka ya,
Ngkiong ngkiong e…ngkiong ngkiong e, neka ya,
Neka oke kuni agu kalor ta ngkiong ngkiong e….


Ngkiong a…ngkiong ngo…ngkiong….., ngkiong e…ngkiong ngkiong e……
Maram ceran ngkiong e, tana ya, retang de hema ge ta ngkiong e
Maram wakasn ngkiong e, tana ya, tana randang ge ta ngkiong e
Maram ri’in ngkiong e, tana ya, ciri cing ge ta ngkiong e…
Ngkiong ngkiong e…ngkiong ngkiong e, neka ya,
Ngkiong ngkiong e…ngkiong ngkiong e, neka ya,
Neka oke kuni agu kalor ta ngkiong ngkiong e….

Ngkiong a…ngkiong ngo…ngkiong….., ngkiong e…ngkiong ngkiong e……
Maram timbun ngkiong e, tana ya, nitu tinug ge ta ngkiong e…
Maram karotn ngkiong e, tana ya, raos kakor ge ta ngkiong
Maram mberongn ngkiong e, tana ya, ledong de hempo ge ta ngkiong e….
Ngkiong ngkiong e…ngkiong ngkiong e, neka ya,
Ngkiong ngkiong e…ngkiong ngkiong e, neka ya,
Neka oke kuni agu kalor ta ngkiong ngkiong e….


Ngkiong a…ngkiong ngo…ngkiong….., ngkiong e…ngkiong ngkiong e……
Maram ndereng ngkiong e, tana ya, bate selek ge ta ngkiong e..
Maram waran ngkiong e, tana ya, nitu manga ge ta ngkiong e…
Maram sawangn ngkiong e, tana ya, bate labar ge ta ngkiong e…
Ngkiong a…ngkiong ngo…ngkiong….., ngkiong e…ngkiong ngkiong e……
Maram laingn ngkiong e, tana ya, nitu dading ge ta ngkiong e…
Marak towakn ngkiong e, tana ya, osang momangn ge ta ngkiong e….
Maram tewukn ngkiong e, tana ya, nitu rentum ge ta ngkiong e.
Ngkiong ngkiong e…ngkiong ngkiong e, neka ya,
Ngkiong ngkiong e…ngkiong ngkiong e, neka ya,
Neka oke kuni agu kalor ta ngkiong ngkiong e….

Elang ta elang ta, e…ae a……
E…ise Ine, ise Ine rinding wieg, elang ta sog tai ta…
E…ise Ame, ise Ame rinding maneg, elang ta sog tai ta…
E...ise Amang, ise Amang rinding rangag, elang ta sog tai ta..
Ngkiong ngkiong e…ngkiong ngkiong e, neka ya,
Ngkiong ngkiong e…ngkiong ngkiong e, neka ya,
Neka oke kuni agu kalor ta ngkiong ngkiong e….

Ngkiong a…ngkiong ngo…ngkiong….., ngkiong e…ngkiong ngkiong e……
Itet lawa ngkiong e, neka ya, woleng bantang de ta ngkiong e…
Ka’eng golod ngkiong e, neka ya, woleng tombod ta ngkiong
Itet ca Amed ngkiong e, neka ya, woleng taed ta ngkiong e..
Ngkiong ngkiong e…ngkiong ngkiong e, neka ya,
Ngkiong ngkiong e…ngkiong ngkiong e, neka ya,
Neka oke kuni agu kalor ta ngkiong ngkiong e….

Elang ta elang ta, e…ae a……
E…ise Empo, ise Empo rinding lesod elang ge ta sog ge tai ta
E…Itet Mori, Ite Morig rinding tonig, elang ta sog ge tai ta…
Ngkiong ngkiong e…ngkiong ngkiong e, neka ya,
Ngkiong ngkiong e…ngkiong ngkiong e, neka ya,
Neka oke kuni agu kalor ta ngkiong ngkiong e…
Neka oke kuni agu kalor ta ngkiong ngkiong e…